About
Mae Brechfa yn gyrchfan ddelfrydol i bobl sydd eisiau amser hamddenol neu rai sy’n hoffi reid galed. Mae Llwybr Gorlech, a ddyluniwyd gan Rowan Sorrell, yn cynnwys tair dringfa fawr a disgynfeydd dros 19km. Gall beicwyr uwch eu sgiliau hefyd brofi’r sgiliau hynny ar Lwybr du dychrynllyd ond cyffrous y Raven!
Yn gwbl groes i hynny, Llwybr Derwen yw’r man cychwyn i deuluoedd a rhai sy’n newydd i’r sbort, ac mae’n gyflwyniad gwych i feicio mynydd.
Mae pob llwybr yn dangos Coedwig Brechfa ar ei gorau.
Cyfleusterau
Mae meysydd parcio am ddim gyda chyfleusterau picnic a barbeciw. Mae tafarn y The Black Lion Abergorlech rownd y gornel o’r maes parcio yn gwasanaethu’r rhai sy’n mynd ar lwybr Gorlech. Ym maes parcio Byrgwm mae caffi’r The Shed ar gyfer y rhai sy’n mynd ar Lwybrau Raven neu Dderwen.
At hyn, mae llwybr Coch Cwm Rhaeadr rhyw ugain milltir i’r gogledd-ddwyrain o Frechfa a werth ei ystyried os ydych chi yn yr ardal.
Dod Yma
Mae Abergorlech ar y B4310 rhyw 10 milltir i’r gogledd-ddwyrain o Gaerfyrddin ac 8 milltir i’r gogledd o Landeilo.
O’r dwyrain
Gadewch yr A48 yn y gyffordd ar gyfer y Gerddi Botanegol Cenedlaethol a dilynwch y B4310 i Nantgaredig ac yna ymlaen i Frechfa.
Mae Abergorlech 4 milltir i’r dwyrain o Frechfa ac mae arwyddion clir i faes parcio’r Goedwigaeth.
O Gaerfyrddin
Ewch ar yr A40 i gyfeiriad Llandeilo ac yna’r B4310 i Frechfa yn Nantgaredig.
O’r Gogledd-ddwyrain
Gadewch yr A40 yn Llanwrda 3 milltir i’r de o Lanymddyfri a dilynwch yr A482 i Grugybar. Wedyn, dilynwch arwyddon i Lansawel ac ar y B4310 i Abergorlech.
Ar gyfer gwasanaethau lloeren/GPS/Mapio, defnyddiwch: Brechfa
Cyfeirnod Grid Arolwg Ordnans: SN585340
